वेळापूर (सोलापूर) : माळशिरस तालुक्यातील वेळापूर येथे असलेल्या इंग्लिश स्कूलच्या माजी विद्यार्थ्यांचा स्नेहमेळावा नुकताच उत्साहात पार पडला. शैक्षणिक वर्ष १९९०-९१ मध्ये दहावीत असलेल्या माजी विद्यार्थ्यांचा हा मेळावा होता.
१९९०-९१ या शैक्षणिक वर्षात इंग्लिश स्कूलमधील दहावीत असणारे जवळपास ७२ माजी विद्यार्थी आपल्या कुटुंबासहित यावेळी उपस्थित होते. यातील प्रत्येकाने आपापल्या आठवणींना उजाळा दिला. शाळेच्या संयोजन समितीतर्फे विविध क्षेत्रात उल्लेखनीय कामगिरी करणाऱ्या सर्वांचा यावेळी सन्मानचिन्ह देऊन सत्कार करण्यात आला. तीन दिवंगत झालेल्या माजी विद्यार्थ्यांना यावेळी श्रद्धांजलीही वाहण्यात आली.
विशेष म्हणजे या स्नेहमेळाव्याच्या निमित्ताने जमलेल्या या माजी विद्यार्थ्यांनी त्यांची एक समिती तयार केली. त्यामार्फत जमा होणारा निधी हा शाळेसाठी आणि शाळेतील गरजू विद्यार्थ्यांना मदत म्हणून दिला जाणार आहे. यानंतर शाळेचे मुख्याध्यापक हनुमंत मेलगे यांच्यासह रामचंद्र पाचपुंड, सुरेश होडगे, यादव, पवार यांनी मार्गदर्शन केले. उपस्थित माजी विद्यार्थ्यांनीही यावेळी आपापले मनोगत व्यक्त केले. कार्यक्रम यशस्वी होण्यासाठी सुरेश पिसे मंगेश सोनार, हैबतराव माने, रईस मुलांणी, आनंद गायकवाड, सुनील मुंगुसकर, विजय कोळेकर, संजय बनकर, मोहन देवकते, संजय जाधव, रशीद मुलाणी, पल्लवी होडगे, अवंतिका मगर, राधिका बाबर व सर्व विद्यार्थ्यांनी परिश्रम घेतले.